წინამდებარე პერსონალურ მონაცემთა დაცვის პოლიტიკა არეგულირებს შპს „ვოლტა გრუპ“-ის (ს/კ #402145362) ელექტრონული ვაჭრობის პლატფორმით - www.volta.ge სარგებლობის პროცესში მომხმარებელთა პერსონალური მონაცემების დაცვის საკითხს.

 

პერსონალურ მონაცემთა დაცვის პოლიტიკა განსაზღვრავს ვოლტას მხრიდან მომხმარებელთა პერსონალური მონაცემების დამუშავების პრინციპებს, საფუძვლებს, ფარგლებს და მიზნებს, აგრეთვე, მონაცემების დაცვის სამართლებრივ და ტექნიკურ საშუალებებს.

 

პოლიტიკაში გამოყენებულ ტერმინებს აქვს „პერსონალურ მონაცემთა დაცვის შესახებ“ საქართველოს კანონით გათვალისწინებული მნიშვნელობა, მათ შორის:

 

• მონაცემთა დამმუშავებელი − შპს „ვოლტა გრუპ“ (ს/კ #402145362) (შემდგომში ასევე „ვოლტა“)
• მონაცემთა სუბიექტი − ნებისმიერი 16 წელს ასაკს მიღწეული ფიზიკური პირი, რომლის შესახებ მონაცემიც მუშავდება ვოლტას მიერ (შემდგომში ასევე „მომხმარებელი“);
• პლატფორმა - შპს „ვოლტა გრუპ“-ის (ს/კ #402145362) ელექტრონული ვაჭრობის პლატფორმა www.volta.ge;
• პოლიტიკა - წინამდებარე დოკუმენტი (პერსონალურ მონაცემთა დაცვის პოლიტიკა), რომელიც შემუშავებულია ვოლტას მიერ და ვრცელდება ვოლტას პლატფორმით მოსარგებლე მომხმარებლებზე
• პერსონალური მონაცემი − ნებისმიერი ინფორმაცია, რომელიც იდენტიფიცირებულ ან იდენტიფიცირებად ფიზიკურ პირს უკავშირდება;
• მონაცემთა დამუშავება − ავტომატური, ნახევრად ავტომატური ან არაავტომატური საშუალებების გამოყენებით მონაცემთა მიმართ შესრულებული ნებისმიერი მოქმედება, მათ შორის, მათი შეგროვება, მოპოვება, მათზე წვდომა, მათი ფოტოგადაღება, ვიდეომონიტორინგი ან/და აუდიომონიტორინგი, ორგანიზება, დაჯგუფება, ურთიერთდაკავშირება, შენახვა, შეცვლა, აღდგენა, გამოთხოვა, გამოყენება, დაბლოკვა, წაშლა ან განადგურება, აგრეთვე მონაცემთა გამჟღავნება მათი გადაცემით, გასაჯაროებით, გავრცელებით ან სხვაგვარად ხელმისაწვდომად გახდომით;
• მონაცემთა სუბიექტის თანხმობა − მონაცემთა სუბიექტის მიერ შესაბამისი ინფორმაციის მიღების შემდეგ მის შესახებ მონაცემთა კონკრეტული მიზნით დამუშავებაზე აქტიური მოქმედებით, წერილობით (მათ შორის, ელექტრონულად) ან ზეპირად, თავისუფლად და მკაფიოდ გამოხატული ნება;
• მონაცემთა სუბიექტის წერილობითი თანხმობა − თანხმობა, რომელსაც მონაცემთა სუბიექტმა ხელი მოაწერა ან რომელიც მან სხვაგვარად გამოხატა წერილობით (მათ შორის, ელექტრონულად) მის შესახებ მონაცემთა კონკრეტული მიზნით დამუშავებაზე შესაბამისი ინფორმაციის მიღების შემდეგ;
• პირდაპირი მარკეტინგი − ტელეფონის, ფოსტის, ელექტრონული ფოსტის ან სხვა ელექტრონული საშუალებით მონაცემთა სუბიექტისთვის ინფორმაციის პირდაპირი და უშუალო მიწოდება ფიზიკური პირის ან/და იურიდიული პირის, საქონლის, იდეის, მომსახურების, სამუშაოს ან/და წამოწყების, აგრეთვე საიმიჯო და სოციალური თემატიკისადმი ინტერესის ფორმირების, შენარჩუნების, რეალიზაციის ან/და მხარდაჭერის მიზნით.

პლატფორმის გამოყენებით ან/და პლატფორმაზე პირადი ანგარიშის შექმნით, პლატფორმაზე განთავსებული „წესების და პირობების“ თანხმობის ღილაკის მეშვეობით დადასტურებით, მომხმარებელი გამოხატავს თანხმობას, რომ ვოლტამ დაამუშაოს მისი პერსონალური მონაცემები წინამდებარე პოლიტიკის შესაბამისად. 

 

 

1. მომხმარებელთა პერსონალური მონაცემების მიღების წყარო

 

მომხმარებლის პერსონალური მონაცემების მიღება ვოლტას მიერ ხორციელდება შემდეგი წყარო(ები)ს მეშვეობით:

 

• მომხმარებლის მიერ პლატფორმაზე პირადი ანგარიშის შექმნის პროცესში მომხმარებლის მიერ პირადი მონაცემების გაზიარება;
• მომხმარებლის მიერ პლატფორმით სარგებლობის ან/და ანგარიშის შექმნის გარეშე პლატფორმაზე პროდუქტის შეძენის პროცესში მომხმარებლის მიერ პირადი მონაცემების გაზიარება;
• პლატფორმაზე განთავსებული პროდუქტის შეძენის მიზნით მომხმარებლის მომართვის  პროცესში მომხმარებლის მიერ პირადი მონაცემების გაზიარება (მათ შორის, სატელეფონო კომუნიკაცია, ზარის მოთხოვნა, ელექტრონული მომართვა და სხვ.);

 

 

1. მომხმარებლის რომელი პერსონალური მონაცემი მუშავდება ვოლტას მიერ

 

ვოლტა ახორციელებს მომხარებლის შემდეგი პერსონალური მონაცემების დამუშავებას:

 

    საიდენტიფიკაციო მონაცემები:

სახელი;

გვარი;

დაბადების თარიღი;

პირადი ნომერი;

სქესი.

 

   საკონტაქტო ინფორმაცია:

მისამართი;

ელექტრონული ფოსტა;

ტელეფონის ნომერი.

 

 სხვა არასავალდებულო/ნაბაყოფლობითი ინფორმაცია, რომელსაც მომხმარებელი გაუზიარებს ვოლტას მომსახურების პროცესში ან/და რომლის დამუშავება ნებადართულია საქართველოს კანონმდებლობით, იძლევა პირის პერსონალური იდენტიფიცირების საშუალებას და საჭიროა ვოლტასთან გარიგების დადების მიზნებისთვის.

 

 

 

 

1. მომხმარებლის პერსონალური მონაცემის დამუშავების მიზნობრიობა

 

მომხმარებლის პერსონალური მონაცემების დამუშავება ვოლტას მიერ ხორციელდება მხოლოდ კანონიერი მიზნებისთვის და მათი შესაბამისი მოცულობით. ვოლტას მიერ მონაცემების დამუშავება შესაძლებელია განხორციელდეს სხვადასხვა მიზნით, მათ შორის:

 

• მომსახურების გასაწევად (მათ შორის, შეკვეთის დამუშავებისთვის, ხელშეკრულების გაფორმებისათვის, შეძენილი პროდუქტის მისამართზე მიტანისათვის და სხვ.);
• პროდუქტის შეთავაზებისა და მომსახურების გაუმჯობესებისათვის, რაც, მათ შორის, გულისხმობს შეკვეთების, შენახული (მოწონებული) და კალათაში დამატებული პროდუქტების ანალიზს, სტატისტიკური მონაცემების ანალიზს, მომხმარებელთა ქცევას და სხვ.;
• ვოლტას მიერ ხელშეკრულებით ნაკისრი ვალდებულებების სრულად და ჯეროვნად შესრულების ან/და მომხმარებლის მიერ  ნაკისრი ვალდებულებების შესრულების მონიტორინგის მიზნით;
• ვოლტას მხრიდან კანონისმიერი ვალდებულებების შესასრულებლად;
• მონაცემთა უსაფრთხოების უზრუნველსაყოფად;
• შესაბამისი კორესპონდენციის/შეტყობინების გაგზავნის/ჩაბარების მიზნით;
• მარკეტინგული მიზნით, რაც გულისხმობს მომხმარებლის თანხმობით ვოლტას მიერ სხვადასხვა პროდუქტის პერიოდულ შეთავაზებას, მარკეტინგული აქტივობების შემუშავებას/დაგეგმვას;
• მომხმარებლის უკუკავშირის მიღებისა და პრეტენზიებზე რეაგირებისთვის;
• კანონმდებლობით დადგენილ შემთხვევებში და წესით მარეგულირებლის ან სხვა საზედამხედველო ორგანოსათვის და აუდიტორული კომპანიებისთვის მონაცემების ხელმისაწვდომობისთვის;
• პლატფორმით არასათანადო გამოყენებისა და დანაშაულის პრევენციისთვის, დანაშაულის გამოვლენისა და გამოძიებისთვის;
• ვოლტას ლეგიტიმური ინტერესის ან/და სამართლებრივი უფლებების დასაცავად.

 

 

1. მონაცემთა დამუშავების პრინციპები

 

მომხმარებლის პერსონალურ მონაცემთა დამუშავებისას ვოლტას მიერ სრულად იქნება დაცული შემდეგი პრინციპები:

 

• მონაცემები მუშავდება კანონიერად, სამართლიანად, მონაცემთა სუბიექტისთვის გამჭვირვალედ და მისი ღირსების შეულახავად;
• მონაცემები გროვდება/მოიპოვება მხოლოდ კონკრეტული, მკაფიოდ განსაზღვრული და ლეგიტიმური მიზნებისთვის;
• მონაცემები მუშავდება მხოლოდ იმ მოცულობით, რომელიც აუცილებელია შესაბამისი ლეგიტიმური მიზნის მისაღწევად. მონაცემები მოიპოვება იმ მიზნის თანაზომიერად, რომლის მისაღწევადაც ისინი მუშავდება;
• მონაცემები უნდა იყოს ნამდვილი, ზუსტი და, საჭიროების შემთხვევაში, განახლებული. მონაცემთა დამუშავების მიზნების გათვალისწინებით, არაზუსტი მონაცემები უნდა გასწორდეს, წაიშალოს ან განადგურდეს გაუმართლებელი დაყოვნების გარეშე;
• მონაცემები შეიძლება შენახულ იქნეს მხოლოდ იმ ვადით, რომელიც აუცილებელია მონაცემთა დამუშავების შესაბამისი ლეგიტიმური მიზნის მისაღწევად. იმ მიზნის მიღწევის შემდეგ, რომლისთვისაც მუშავდება მონაცემები, ისინი უნდა წაიშალოს, განადგურდეს ან შენახული უნდა იქნეს დეპერსონალიზებული ფორმით;
• მონაცემების უსაფრთხოების დაცვის მიზნით მონაცემთა დამუშავებისას მიღებული უნდა იქნეს ისეთი ტექნიკური და ორგანიზაციული ზომები, რომლებიც სათანადოდ უზრუნველყოფს მონაცემთა დაცვას, მათ შორის, უნებართვო ან უკანონო დამუშავებისგან, შემთხვევითი დაკარგვისგან, განადგურებისგან ან/და დაზიანებისგან.

 

 

1. მომხმარებლის პერსონალური მონაცემების დამუშავების საფუძვლები

 

მომხმარებლის პერსონალური მონაცემები ვოლტას მიერ მუშავდება შემდეგი საფუძვლებით:

 

• მომხმარებელმა განაცხადა ნებაყოფლობითი თანხმობა მონაცემთა დამუშავების თაობაზე, რომელსაც მომხმარებელი გამოხატავს და აფიქსირებს პლატფორმაზე განთავსებულ „წესები და პირობები“-ზე თანხმობით;
• მონაცემთა დამუშავება აუცილებელია მომხმარებლისათვის მომსახურების გასაწევად ან/და მონაცემთა დამუშავება საჭიროა მომხმარებლის განცხადების განსახილველად;
• მონაცემთა დამუშავება აუცილებელია მომხმარებელთან დადებული გარიგებით ნაკისრი ვალდებულების შესასრულებლად ან მომხმარებლის მოთხოვნით გარიგების დასადებად;
• მონაცემთა დამუშავება გათვალისწინებულია კანონით;
• ვოლტას ან მესამე პირების კანონიერი ინტერესების დასაცავად მონაცემთა დამუშავების აუცილებლობა;
• კანონის თანახმად, მონაცემი საჯაროდ ხელმისაწვდომია ან მომხმარებელმა იგი საჯაროდ ხელმისაწვდომი გახადა;
• მონაცემთა დამუშავება აუცილებელია საქართველოს კანონმდებლობით განსაზღვრული საჯარო ინტერესის სფეროსთვის მიკუთვნებული ამოცანების შესასრულებლად, მათ შორის, დანაშაულის თავიდან აცილების, დანაშაულის გამოძიების, სისხლისსამართლებრივი დევნის, მართლმსაჯულების განხორციელების, პატიმრობისა და თავისუფლების აღკვეთის აღსრულების, არასაპატიმრო სასჯელთა აღსრულებისა და პრობაციის, ოპერატიულ-სამძებრო საქმიანობის, საზოგადოებრივი უსაფრთხოების, მართლწესრიგის დაცვის, მათ შორის, ინფორმაციული უსაფრთხოებისა და კიბერუსაფრთხოების უზრუნველყოფის, მიზნებისთვის.

 

 

1. მომხმარებლის უფლებები

 

პლატფორმის მომხმარებელი უფლებამოსილია ისარგებლოს შემდეგი უფლებებით:

 

• მიიღოს ინფორმაცია თავის შესახებ დამუშავებული მონაცემების თაობაზე, კერძოდ, რა მონაცემები მუშავდება, რა არის მათი დამუშავების მიზანი და სამართლებრივი საფუძველი, ინფორმაცია მონაცემთა შეგროვების წყაროსა და მონაცემთა გადაცემის შესახებ;
• გაეცნოს თავის შესახებ ვოლტაში დაცულ მონაცემებს და მიიღოს თავისი პერსონალური მონაცემების შემცველი დოკუმენტების/ჩანაწერების ასლები საქართველოს კანონმდებლობით დაწესებული წესით;
• მოითხოვოს მცდარი, არაზუსტი ან/და არასრული მონაცემების გასწორება, განახლება ან/და შევსება;
• მოითხოვოს მონაცემთა დამუშავების შეწყვეტა, წაშლა ან განადგურება, თუ:
  • გაითხოვს თანხმობას, რომელიც წარმოადგენს მონაცემთა დამუშავების ერთადერთ საფუძველს;
  • მონაცემების დამუშავება აღარ არის საჭირო იმ მიზნისთვის, რომლისთვისაც მოხდა     მათი დამუშავება;
  • მონაცემთა დამუშავება ხდება უკანონოდ.

 

• მოითხოვოს მონაცემთა  დაბლოკვა, თუ

• სადავოა მონაცემთა ნამდვილობა ან სიზუსტე;
• მონაცემთა დამუშავება უკანონოა, თუმცა მომხმარებელს არ სურს მათი წაშლა და ითხოვს მხოლოდ მათ დაბლოკვას;
• მონაცემები აღარ არის საჭირო მათი დამუშავების მიზნის მისაღწევად, თუმცა მომხმარებელს ისინი ესაჭიროება სამართალწარმოების მიზნით;
• მიმდინარეობს მონაცემთა დამუშავების შეწყვეტის, წაშლის ან განადგურების მოთხოვნის განხილვა;
• არსებობს მონაცემების მტკიცებულებად გამოყენების მიზნით შენახვის აუცილებლობა.

          

• ნებისმიერ დროს გაითხოვოს/უარი თქვას მონაცემთა დამუშავების თაობაზე თავის მიერ გაცემულ თანხმობაზე და მოითხოვოთ მის საფუძველზე დამუშავებული მონაცემების წაშლა, მათ შორის, ნებისმიერ დროს გაიხმოს პირდაპირი მარკეტინგის მიზნით მონაცემთა დამუშავების შესახებ გაცხადებული თანხმობა, რასთან დაკავშირებითაც უნდა დაუკავშირდეს ვოლტას მის მიერ მითითებულ საკონტაქტო ნომერზე. ასეთ შემთხვევაში ვოლტა უზრუნველყოფს მონაცემთა დამუშავების შეწყვეტას და უკვე დამუშავებული მონაცემების წაშლას/განადგურებას მოთხოვნიდან 7 სამუშაო დღის ვადაში, თუ არ არსებობს მონაცემთა დამუშავების კანონმდებლობით გათვალისწინებული სხვა საფუძველი;
• უფლებების დარღვევის შემთხვევაში მიმართოს ვოლტას პერსონალურ მონაცემთა დაცვის ოფიცერს, სახელმწიფო აუდიტის სამსახურს და/ან სასამართლოს;

 

მომხმარებლის უფლებები შესაძლებელია შეიზღუდოს, თუ მათი რეალიზაცია საფრთხეს უქმნის:

 

• სახელმწიფო უსაფრთხოების, ინფორმაციული უსაფრთხოებისა და კიბერუსაფრთხოების ან/და თავდაცვის ინტერესებს;
• საზოგადოებრივი უსაფრთხოების ინტერესებს;
• დანაშაულის თავიდან აცილებას, დანაშაულის გამოძიებას, სისხლისსამართლებრივ დევნას, მართლმსაჯულების განხორციელებას;

• ქვეყნის მნიშვნელოვან ფინანსურ ან ეკონომიკურ საზოგადოებრივი ჯანმრთელობისა და სოციალური დაცვის საკითხებთან დაკავშირებულ ინტერესებს;
• თავად მომხმარებლის ან სხვათა უფლებებსა და თავისუფლებებს;
• სახელმწიფო, კომერციული, პროფესიული და კანონით გათვალისწინებული სხვა სახის საიდუმლოებების დაცვას;
• სამართლებრივი მოთხოვნის ან შესაგებლის დასაბუთებას.

 

ამასთან, ვოლტა უფლებების შეზღუდვის ზომას იყენებს მხოლოდ შეზღუდვის მიზნის ადეკვატურად და პროპორციული მოცულობით.

 

მომხმარებელი აცხადებს და ადასტურებს, რომ მის მიერ პლატფორმაზე პირადი ანგარიშის აქტივაციის დროს მითითებული ტელეფონის ნომერი ან/და ელექტრონული ფოსტის მისამართი (ხოლო შემდგომში პირად ანგარიშში განახლებული ტელეფონის ნომერი ან/და ელექტრონული ფოსტის მისამართი) არის ავთენტური, ვალიდური და იგი ნამდვილად ეკუთვნის მას. შესაბამისად, მომხმარებელი ადასტურებს, რომ აღნიშნული ტელეფონის ნომერი ან/და ელექტრონული ფოსტის მისამართი იქნება მისი დისტანციური საკომუნიკაციო არხები ვოლტასთან სამართლებრივ ურთიერთიბაში. ამდენად, აღნიშნული არხებიდან (საშუალებებიდან) ვოლტასთვის გაგზავნილი შეტყობინება ჩაითვლება მომხმარებლის მხრიდან შეტყობინების გაგზავნად და უპირობოდ მიიჩნევა მომხმარებლის ნების გამოვლენად. ამასთან, ვოლტა უფლებამოსილია, მომხმარებლისათვის შეტყობინების გაგზავნა ან/და ინფორმაციის მიწოდება ან/და სხვა შინაარსის კომუნიკაცია განახორციელოს სწორედ აღნიშნულ ტელეფონის ნომერზე ან/და ელექტრონული ფოსტის მისამართზე, რაც ჩაითვლება შეტყობინების / ინფორმაციის მომხმარებლის მიერ მიღებად/ჩაბარებად.

 

მომხმარებელი ვალდებულია საკონტაქტო და ან სხვა ინფორმაციის ცვლილების შემთხვევაში დაუყოვნებლივ შეატყობინოს ვოლტას, რათა ვოლტას ჰქონდეს მომხმარებლის შესახებ სრულყოფილი და სწორი ინფორმაცია, მომსახურების ჯეროვნად მიღების მიზნით.

 

 

1. მომხმარებლის პერსონალური მონაცემების გაზიარება მესამე პირთათვის

 

მომხმარებლის პერსონალური მონაცემების მესამე პირებისათვის გაზიარება ვოლტას მხრიდან შესაძლებელია განხორციელდეს კანონმდებლობით ან ხელშეკრულებით ნაკისრი ვალდებულების შესასრულებლად, შესაბამისი სამართლებრივი საფუძვლის არსებობისას. ასეთ შემთხვევაში მომხმარებლის პერსონალური მონაცემების გაზიარება დასაშვებია:

 

• მომხმარებლის წარმომადგენლისათვის/კანონიერი წარმომადგენლისათვის;
• გარიგების მონაწილე მხარეებისათვის;
• კანონმდებლობით განსაზღვრული ორგანოებისათვის;
• მომსახურების პროვაიდერებისათვის - მათ შორის და არა მხოლოდ: ვოლტას გარე აუდიტორებისათვის, კონსულტანტებისათვის, საკურიერო ორგანიზაციებისათვის, IT სერვისის მომწოდებლებისათვის, მარკეტინგული მომსახურეობის გამწევი პირებისათვის  ან/და სხვა ნებისმიერი მსგავსი ფუნქციის მქონე პირებისათვის;
• სხვა მესამე პირ(ებ)ისათვის, მომხმარებლის თანხმობით.

 

მომხმარებლის პერსონალური მონაცემების სათანადოდ დაცვის მიზნით, მესამე მხარისათვის მომხმარებლის პერსონალური მონაცემების გადაცემამდე, ვოლტა უზრუნველყოფს იმის შემოწმებას, მათ მიერ მიღებულია თუ არა მონაცემთა დასაცავად შესაბამისი ორგანიზაციული და ტექნიკური ზომები.

 

 

 

1. მონაცემთა უსაფრთხოების დაცვა

 

მომხმარებლის შესახებ დამუშავებულ მონაცემებს ვოლტა ინახავს კანონმდებლობის მოთხოვნათა დაცვით. უსაფრთხოების დაცვა გულისხმობს მომხმარებლის მონაცემების დასაცავად როგორც ფიზიკურ, აგრეთვე, ტექნიკურ და ორგანიზაციულ უზრუნველყოფას. ვოლტა უზრუნველყოფს თავისი ელექტრონული მოწყობილობების, ფაილების, შენობის უსაფრთხოებას. ამასთან, ვოლტაში დანერგილია  ფიზიკური, ელექტრონული და პროცედურული კონტროლის მექანიზმები, რათა მომხმარებლის მონაცემები დაცული იყოს არაავტორიზებული წვდომისგან, გამოყენებისგან, გადაცემისგან, დაკარგვისგან ან განადგურებისგან. ვოლტა უზრუნველყოფს მონაცემთა კონფიდენციალურობის, უსაფრთხოების პოლიტიკებს და პროცედურებს კანონმდებლობისა და შიდა ორგანიზაციული დოკუმენტების  შესაბამისად დაცვას თანამშრომლების მხრიდან.

 

ამასთან, ვოლტა არ არის პასუხისმგებელი იმ პირების ქმედებებზე, რომლებიც ახორციელებენ არასანქცირებულ წვდომას, ბოროტად იყენებენ ან ტეხავენ სერვისებს. ვოლტა ახორციელებს ყველა ზომის მიღებას ამგვარი შეღწევის პრევენციისთვის, მაგრამ არ იძლევა აშკარა, ნაგულისხმევ ან სხვაგვარ გარანტიას.

 

 

1. მონაცემთა შენახვის ვადა

 

ვოლტას მიერ მომხმარებლების პერსონალური მონაცემების შენახვა ხორციელდება მომსახურების მთელი პერიოდის განმავლობაში და მომსახურების დასრულების შემდეგ 3 (სამი) წლის ვადით, ან ვადით, რაც აუცილებელია დამუშავების კონკრეტული მიზნის მისაღწევად, დადგენილია მომსახურების გაწევის ფარგლებში ან/და ხელშეკრულებაში.

 

 

1. ცვლილებები პერსონალურ მონაცემთა დაცვის პოლიტიკაში

 

ვოლტა უფლებამოსილია ცალმხრივად განახორციელოს პერსონალურ მონაცემთა დაცვის პოლიტიკაში ცვლილებები, რაც შესაძლოა გამოწვეულ იქნას საკანონმდებლო ცვლილებებით ან სხვა ობიექტური გარემოებებით. ცვლილებების შეტანის შემთხვევაში, პერსონალურ მონაცემთა დაცვის პოლიტიკა განახლებული სახით განთავსება პლატფორმაზე. პერსონალურ მონაცემთა დაცვის პოლიტიკის ახალი რედაქცია ძალაში შედის პლატფორმაზე მისი გამოქვეყნების შემდეგ. მომხმარებლის მიერ პლატფორმით სარგებლობის გაგრძელება ნიშნავს, რომ მომხმარებელი გაეცნო განახლებულ პოლიტიკას და ეთანხმება ცვლილებებს.

 

 

დანართი N1

 

მონაცემთა სუბიექტის წერილობით თანხმობა
პერსონალური მონაცემების დამუშავებაზე

 

 

 

„პერსონალურ მონაცემთა დაცვის შესახებ“ საქართველოს კანონის თანახმად, ვადასტურებ ჩემს თანხმობას ჩემი პერსონალური მონაცემების დამუშავებაზე, კერძოდ: სახელი, გვარი, პირადი ნომერი, სქესი, პირადობის მოწმობის, პასპორტის, ამავე ელექტრონული საბუთის უნიკალური მახასიათებლები ან/და ასლი, პირადი ელექტრონული ფოსტის მისამართი, ტელეფონის ნომერი, იურიდიული/ფაქტობრივი მისამართი, სხვა ის ინფორმაცია ან/და მონაცემი, რომლის დამუშავება ნებადართულია საქართველოს კანონმდებლობით, იძლევა ჩემი პერსონალური იდენტიფიცირების საშუალებას და საჭიროა ვოლტასთან გარიგების დადების მიზნებისთვის.

 

წინამდებარე თანხმობა, აგრეთვე, გულისხმობს და მოიცავს პირდაპირი მარკეტინგის მიზნით ჩემი პერსონალური მონაცემების ვოლტას მიერ დამუშავებაზე ჩემ მიერ გაცხადებულ წერილობით თანხმობას.

 

ასევე, ვაცხადებ თანხმობას ჩემი პერსონალური მონაცემების შეგროვებაზე, ჩაწერაზე, ორგანიზებაზე, შენახვაზე, შეცვლაზე, აღდგენაზე, გამოთხოვაზე, გამოყენებაზე, დაბლოკვაზე, წაშლაზე ან განადგურებაზე.

 

წინამდებარე თანხმობა გაცემულია ჩემს მიერ თავისუფლად, ჩემი ნება-სურვილით და ემსახურება ჩემს ინტერესეს, ის არის კონკრეტული, ინფორმირებადი და ჩემ მიერ გაცნობიერებული.

 

წესების და პირობების თანხმობის ელექტრონულად მონიშვნით/აღიარებით ვადასტურებ, რომ ამავდროულად ვეთანხმები წინამდებარე პერსონალურ მონაცემთა დაცვის პოლიტიკას, ჩემს მიერ მოწოდებული ინფორმაცია წარმოადგენს ზუსტ და უტყუარ მონაცემებს. ინფორმაციის მოწოდება მოხდა ჩემი საკუთარი სურვილით და ამისათვის გამაჩნია კანონმდებლობით გათვალისწინებული ყველა უფლება და ნებართვა.