წესები და პირობები
წესები და პირობები
წინამდებარე წესები და პირობები არის ვოლტას ვებგვერდით სარგებლობის წესები და პირობები, რომელიც არეგულირებს ურთიერთობას ვოლტასა და იმ იურდიულ თუ ფიზიკურ პირს შორის, რომელიც სარგებლობს პლატფორმით, როგორც მომხმარებელი. წინამდებარე წესები და პირობები იმავდროულად წარმოადგენს მომხმარებელსა და შპს „ვოლტა გრუპ“-ს (ს/კ: 402145362) (შემდგომში მოხსენიებული როგორც „ვოლტა“) შორის დადებული ხელშეკრულების განუყოფელ ნაწილს. ვოლტა-ს ვებ გვერდით სარგებლობის წესები და პირობები, მასში შეტანილ ცვლილებებთან და ვოლტა-ს სხვა რეგულაციებთან ერთად, წარმოადგენენ ერთიან დოკუმენტს და განხილულ უნდა იქნეს როგორც მომხმარებელთან გაფორმებული ერთიანი ხელშეკრულება. ვებგვერდზე რეგისტრაციით ან/და განვადების მოთხოვნით განაცხადის შევსებით ან/და პლატფორმით ნებისმიერი ფორმით სარგებლობის დაწყებით მომხმარებელი ეთანხმება და აღიარებს წინამდებარე წესებსა და პირობებს, პერსონალურ მონაცემთა დაცვის პოლიტიკას, დაბრუნების წესებს, ასევე, აცხადებს თანხმობას, გავრცელდეს მასზე აღნიშნული დოკუმენტების სამართლებრივი ძალა.
ტერმინთა განმარტება
წინამდებარე წესებსა და პირობებში გამოყენებულ ტერმინებს გააჩნიათ შემდეგი მნიშვნელობა:
· ვოლტა - საქართველოს კანონმდებლობის შესაბამისად დაფუძნებული საზოგადოება შპს „ვოლტა გრუპი“, საიდენტიფიკაციო კოდი #402145362;
· პლატფორმა - ვებ-გვერდი www\.volta.ge, რომლის ერთადერთ და კანონიერ მესაკუთრეს წარმოადგენს ვოლტა;
· მომხმარებელი - იურიდიული პირი ან 18 წელს მიღწეული (ქმედუნარიანი) ფიზიკური პირი, რომელსაც სურს შეიძინოს ვოლტა-ზე განთავსებული პროდუქცია;
· მომხმარებლის თანხმობა - პლატფორმაზე განთავსებული წესების და პირობების მომხმარებლის მიერ გაცნობისა და მისი პერსონალური ხასიათის მონაცემების დამუშავების შესახებ ვებგვერდზე შესაბამისი ღილაკის დაჭერით გამოხატული ნება ;
· მესამე პირი - ნებისმიერი ფიზიკური ან იურიდიული პირი, საჯარო დაწესებულება;
· პირდაპირი მარკეტინგი - სოციალური ქსელების, სატელეფონო ზარების, მოკლე ტექსტური შეტყობინებების, ელექტრონული ფოსტის ან სხვა ნებისმიერი სატელეკომუნიკაციო საშუალებით პროდუქციის შეთავაზება;
· რეგისტრაცია - პირადი ანგარიშის შექმნა პლატფორმაზე;
· ანგარიში - მომხმარებლის მიერ ვოლტა-ზე რეგისტრირებული პირადი გვერდი;
· პროდუქტი - პლატფორმაზე განთავსებული ნებისმიერი კატეგორიის პროდუქტი/საქონელი, რომლის შეძენასაც სთავაზობს პლატფორმა მომხმარებლებს .
პირადი ანგარიშის რეგისტრაცია
ვოლტა-ზე პირადი ანგარიშის რეგისტრაციის მიზნით აუცილებელია მომხმარებელმა შეავსოს პლატფორმაზე არსებული სარეგისტრაციო ფორმა შემდეგი მონაცემების მითითებით:
· სახელი
· გვარი
· პირადი ნომერი
· დაბადების თარიღი
· სქესი
· ელ. ფოსტა
· მობილურის ნომერი
· სისტემაში შესასვლელი პაროლი (მომხმარებლის არჩევით)
პირად ანგარიშში შესასვლელად მომხმარებელი უნდა გადავიდეს „ავტორიზაციის“ გვერდზე (პლატფორმის ზედა მარჯვენა კუთხეში) და უნდა შეიყვანოს რეგისტრაციის დროს მითითებული ელ. ფოსტა და პაროლი.
პირად ანგარიშში „პირადი ინფორმაციის“ გვერდზე, მომხმარებელს აქვს შესაძლებლობა მოახდინოს რეგისტრაციის დროს ზემოთ მითითებული პირადი მონაცემების რედაქტირება.
რეგისტრაციით მომხმარებელი ადასტურებს და იძლევა გარანტიას, რომ:
· მის მიერ მითითებული ინფორმაცია არის სრული და სწორი;
· იგი არის 18 წელს მიღწეული, სრულწლოვანი ქმედუნარიანი პირი;
· არ გამოიყენებს სხვა პირის მაიდენტიფიცირებელ ინფორმაციას ვოლტა-ს პლატფორმაზე რეგისტრაციის მიზნით;
· არ გამოიყენებს პლატფორმას ყალბი ინფორმაციის გავრცელების მიზნით ;
· არ გამოიყენებს სხვა მომხმარებლის ანგარიშს;
· არ შეეცდება მოიპოვოს წვდომა სხვა მომხმარებლის ავტორიზაციის ინფორმაციაზე;
· არ განახორციელებს ისეთქმედებას, რომელიც საფრთხეს შეუქმნის ვოლტა-ს გამართულ ფუნქციონირებას;
· არ განახორციელებს ქმედებას, რომელიც იკრძალება მოქმედი კანონმდებლობით , წინამდებარე ხელშეკრულებითა და ვოლტა-ს პერსონალურ მონაცემთა დაცვის პოლიტიკით.
მომხმარებელს აქვს შესაძლებლობა მოწყობილობაზე დაიმახსოვროს პირადი ანგარიშის დეტალები (მომხმარებლის სახელი/ელ.ფოსტა და პაროლი). ამასთან, მომხმარებელი ინფორმირებულია, რომ აღნიშნული ზრდის მესამე პირების მიერ მომხმარებლის ანგარიშზე უნებართვო წვდომის ან/და შეღწევის რისკს.
ანგარიშის დეტალების უსაფრთხო შენახვაზე პასუხისმგებლობა ეკისრება მომხმარებელს. იმ შემთხვევაში, თუ მომხმარებელს აქვს ეჭვი, რომ მესამე პირს აქვს მისი ანგარიშის დეტალები, მომხმარებელი ვალდებულია დაუყონებლივ შეცვალეს იგი ან დაუკავშირდეს ვოლტა-ს.
მომხმარებელი პასუხისმგებელია ყველა ქმედებაზე, რომელიც განხორციელებულია მისი ანგარიშის მეშვეობით, მიუხედავად იმისა, თავად ასრულებდა თუ არა იგი ამ ქმედებას .
შენიშვნა: პლატფორმაზე პროდუქტ(ებ)ის შეძენა შესაძლებელია როგორც პირადი ანგარიშის გახსნით, ისე ანგარიშის გახსნის გარეშე. ამასთან, ანგარიშის გახსნით მომხმარებელს ეძლევა საშუალება თვალი ადევნოს მისი მიმდინარე განვადების (ასეთის არსებობის შემთხვევაში) სტატუსს, აგრეთვე, ვოლტა-სთან მისი ურთიერთობის ისტორიას , მათ შორის, ინფორმაციას ერთიანი გადახდის შესყიდვების შესახებ, განვადების მოთხოვნით განაცხადების სტატუსებსა და დასრულებული განვადებების შესახებ ინფორმაციას.
პირადი ანგარიშის დახურვა და სარგებლობის შეზღუდვა
თუ ვოლტა მიიჩნევს, რომ მომხმარებლის მხრიდან დაირღვა წინამდებარე წესები და პირობები ან მომხმარებელი რეგისტრირებულია ყალბი მონაცემების მითითებით , აგრეთვე, თაღლითური ან საეჭვო აქტივობის გამოვლენის შემთხვევაში, უსაფრთხოების მიზნით ვოლტა უფლებამოსილია დახუროს წვდომა ან/და დროებით შეზღუდოს პირადი ანგარიშით სარგებლობა ცალმხრივად, მომხარებლისათვის ელექტრონულ ფოსტაზე გაგზავნილი შეტყობინების საფუძველზე. მომხმარებელი მსგავსი ტიპის შეტყობინების მიღების შემთხვევაში უნდა დაუკავშირდეს ვოლტა-ს.
მომხმარებელი უფლებამოსილია თავისი გადაწყვეტილებით ნებისმიერ დროს მოახდინოს ანგარიშის დახურვა ანგარიშში შესაბამისი ღილაკის მონიშვნის გზით .
შეკვეთის გაფორმება, პროდუქტის შეძენა და ანგარიშსწორება
მომხმარებელს აქვს შესაძლებლობა მისთვის საინტერესო/სასურველი პროდუქტ(ებ )ი მოათავსოს პლატფორმაზე არსებულ ვირტუალურ კალათაში, რომელშიც თავსდება განუსაზღვრელი რაოდენობის ნივთ(ებ)ი. ვირტუალური კალათიდან შესაძლებელია პროდუქტ(ებ)ის ამოღება ნებისმიერ დროს, ამისათვის მომხმარებელი შედის კალათაში, მონიშნავს იმ პროდუქტ(ებ)ს, რომლის ამოღებაც სურს და აწვება ღილაკს „კალათის გასუფთავება“.
პროდუქტ(ებ)ის შეძენა შესაძლებელია მისი კალათაში დამატების გარეშეც. ამისათვის , სასურველი პროდუქტ(ებ)ის გვერდზე მომხმარებელი აწვება ღილაკს "ყიდვა“ და გადადის შეკვეთის გვერდზე. იმ შემთხვავში, თუ მომხმარებელი სისტემაში არ არის შესული პირადი ანგარიშით, პროდუქტ(ებ)ის შესაძენად, შეკვეთის გვერდზე, უნდა შეავსოს შემდეგი მონაცემები:
· სახელი;
· გვარი;
· პირადი ნომერი;
· ელ. ფოსტა;
· საკონტაქტო ნომერი;
· მიტანის მისამართი;
იმ შემთხვევაში, თუ პროდუქტ(ებ)ის ყიდვისას მომხმარებელი სისტემაში შესულია პირად ანგარიშით, ზემოაღნიშნული მონაცემები ივსება ავტომატურად (გარდა მიტანის მისამართისა, რომელსაც მომხმარებელი უთითებს ყოველი ყიდვის დროს მანუალურად).
მონაცემების შევსების შემდეგ მომხმარებელი ირჩევს გადახდის მეთოდს, კერძოდ:
· გადახდა ბარათით (საბანკო ტრანზაქცია);
· საბანკო განვადება (მომხმარებელი ითხოვს განვადებას ვოლტას პარტნიორ ბანკებთან, რომელთა ლინკებიც მოცემულია ამავე გვერდზე);
· შიდა განვადება (ვოლტა-ს შიდა განვადება).
ბარათით გადახდის არჩევის შემთხვავში პროდუქტის საფასურის გადახდის მიზნით გადამისამართდება საბანკო დაწესებულების ანგარიშსწორების გვერდზე, სადაც მომხმარებელს შეჰყავს საბანკო ბარათის მონაცემები , საიდანაც ახორციელებს ანგარიშსწორებას. ამდენად, პლატფორმა არ ინახავს მომხმარებლის საბანკო მონაცემებს.
საბანკო განვადების არჩევის შემთხვევაში შეკვეთა მიღებულად ითვლება მხოლოდ მას შემდეგ, რაც ბანკი მომხმარებელს დაუმტკიცებს განვადებას და უზრუნველყოფს პროდუქტ(ებ)ის ღირებულების ვოლტა-ს სასარგებლოდ გადახდას.
შიდა განვადების არჩევის შემთხვევაში მომხმარებელი გადადის შიდა განვადების განაცხადის გვერდზე და ავსებს განაცხადში მითითებულ ველებს. შიდა განვადებასთან დაკავშირებული პროცედურა დეტალურად აღწერილია ქვემოთ.
მომხმარებელი მის მიერ შეძენილი პროდუქტ(ებ)ის შესახებ ინფორმაციის გადამოწმებას შეძლებს მის პირად ანგარიშში.
ვოლტა იტოვებს უფლებას, უარი თქვას ან გააუქმოს მომხმარებლის შეკვეთა თაღლითობის, უნებართვო ან უკანონო ტრანზაქციაზე ეჭვის არსებობის შემთხვევაში .
მომხმარებლის მიერ პროდუქტ(ებ)ის საფასურის გადახდის შემდგომ (მათ შორის, ვოლტა-ს შიდა განვადების გზით) შეძენილ პროდუქტ(ებ)ზე საკუთრების უფლება სრულად გადადის მომხმარებელზე.
შიდა განვადება
პროდუქტ(ებ)ის შეძენის მიზნით მომხმარებელს აქვს შესაძლებლობა მოითხოვოს ვოლტა-ს შიდა განვადება. შიდა განვადების მოთხოვნა ხდება შესაბამის ღილაკზე დაკლიკებით, რომელიც მოცემულია ყველა გვერდზე.
შიდა განვადების გვერდზე მომხმარებელი ავსებს განვადების აპლიკაციას , ნიშნავს წინამდებარე წესებისა და პირობების თანხმობის ღილაკს და აგზავნის მოთხოვნას .
პორტალზე მითითებული პროდუქტის ფასები არის მისი ერთიანი გადახდის ღირებულება. პორტალზე, აგრეთვე, მითითებულია მომხმარებლის მიერ განსახორციელებელი ყოველთვიური შენატანების ოდენობა პროდუქტის განვადების პირობით შეძენის შემთხვევაში.
ვოლტა უფლებამოსილია თავისი არხებით გადაამოწმოს განაცხადში მითითებული მონაცემები და მიიღოს გადაწყვეტილება განვადების დამტკიცების ან მასზე უარის შესახებ. მომხმარებლის მიერ განაცხადში მითითებული ინფორმაციის დაზუსტების ან /და გადამოწმების მიზნით ვოლტა უფლებამოსილია დაუკავშირდეს როგორც მომხმარებელს , ისე განაცხადში მითითებულ საკონტაქტო (მესამე) პირებს.
განვადების დამტკიცების ან მასზე უარის შესახებ ვოლტა გადაწყვეტილებას იღებს ერთპიროვნულად და იგი არ არის ვალდებული მომხმარებელს დაუსაბუთოს მისი გადაწყვეტილების საფუძვლები/მიზეზები.
განვადების დამტკიცების ან მასზე უარის შესახებ ვოლტა-ს გადაწყვეტილება მომხმარებელს ეცნობება SMS-ით განაცხადში მითითებულ საკონტაქტო ნომერზე.
შიდა განვადების დამტკიცების შემთხვევაში მომხმარებელი ახდენს პირველადი შენატანის (ავანსის) გადახდას, რომლის ოდენობასაც განსაზღვრავს ვოლტა. პირველადი შენატანის (ავანსის) ოდენობა დამოკიდებულია პროდუქტზე და მომხმარებლის რისკიანობაზე და მერყეობს პროდუქტის ღირებულების 3%-დან - 10%-მდე. მომხმარებლისთვის შიდა განვადების დამტკიცების შემთხვევაში, ვოლტა-ს ოპერატორი აცნობებს მომხმარებელს ავანსის ზუსტ ოდენობას. ავანსის გადახდის მიზნით მომხმარებელს ელექტრონულ ფოსტაზე ან/და მის მიერ მითითებულ სხვა საკომუნიკაციო არხის მეშვეობით ეგზავნება ინვოისი. წინასწარი შენატანის (ავანსის) გადახდის შემდეგ , მომხმარებელს ელექტრონულ ფოსტაზე ან/და მის მიერ მითითებულ სხვა საკომუნიკაციო არხის მეშვეობით ეგზავნება შიდა განვადების ხელშეკრულება, რომლის მიღების შემდეგ შესაბამის ღილაკზე თითის დაჭერით მომხმარებელი ადასტურებს და გამოხატავს ნებას ხელშეკრულების ხელმოწერის თაობაზე. ხელშეკრულების ხელმოწერის მიზნებისათვის ვოლტა უფლებამოსილია გამოიყენოს Signify ან/და სხვა ელექტრონული ხელმოწერის პლატფორმა.
ვოლტა ვალდებულია მომხმარებელს გადასცეს ხელშეკრულებით გათვალისწინებული პირობების შესაბამისი პროდუქტი. პროდუქტი ხელშეკრულებით გათვალისწინებული პირობების შესაბამისად მიიჩნევა, თუ იგი შეესაბამება პლატფორმაზე განთავსებულ აღწერას. პლატფორმაზე პროდუქტის შესახებ დეტალური აღწერის არარსებობის შემთხვევაში პროდუქტი ხელშეკრულებით გათვალისწინებული პირობების შესაბამისად მიიჩნევა, თუ იგი გამოსადეგია დანიშნულებისამებრ გამოსაყენებლად.
შეკვეთის გაუქმება ან/და თანხის უკან დაბრუნება
იმ შემთხვევებში, თუ მომხმარებლის მიერ შეკვეთილი პროდუქტი არ იქნება ხელმისაწვდომი მარაგების არქონის გამო ან იარსებებს სხვა ობიექტური გარემოება , ვოლტა უფლებამოსილია გააუქმოს შეკვეთა. შეკვეთის გაუქმების შემთხვევაში მომხმარებელს დაუყოვნებლივ ეცნობება აღნიშნულის თაობაზე პლატფორმის , ელექტრონული ფოსტის ან სხვა საკომუნიკაციო საშუალებით.
ვოლტა-ს სასარგებლოდ გადახდილი თანხა დაბრუნებას ექვემდებარება მხოლოდ იმ შემთხვევაში თუ:
- ვოლტა ვერ შეძლებს მომხმარებლის მიერ შეძენილი პროდუქტ(ებ)ის მიწოდებას (მისი საწყობში არარსებობის ან სხვა ობიექტური მიზეზის გამო);
- არ არსებობდა მომხმარებლის მიერ ამგვარი გადახდის ვალდებულება (უსაფუძვლო გამდიდრება);
შეძენილი პროდუქტის მიწოდების წესები და პირობები
ვოლტა საბანკო ანგარიშზე თანხის ჩარიცხვის მომენტიდან, არაუმეტეს ორი დღის განმავლობაში, ვალდებულია უზრუნველყოს მომხმარებლის შეკვეთის დამუშავება.
შეძენილი პროდუქტის ქალაქ თბილისი ფარგლებში მიტანას ახორციელებს ვოლტა უფასოდ, პროდუქტ(ებ)ის შეძენიდან (შეკვეთის დამუშავებიდან) 3 სამუშაო დღის ვადაში, გარდა იმ შემთხვევებისა, თუ კონკრეტული ნივთის დამზადება ან/და მიწოდება მოითხოვს სპეციალურ ვადებს, რის თაობაზეც მომხმარებელს ეცნობება წინასწარ.
კონკრეტული პროდუქტ(ებ)ი შესაძლებელია გაიტანოს თავად მომხმარებელმა ვოლტას ოფისიდან ან უშუალოდ მწარმოებლის/მიმწოდებლის მითითებული მისამართიდან .იმ შემთხვევაში, თუ ვოლტა-ს პროდუქტ(ებ)ი მიაქვს მომხმარებლის მიერ მითითებულ მისამართამდე, ტრანსპორტირების ღირებულება უფასოა. ვოლტა უფლებამოსილია მოითხოვოს ანაზღაურება მომხმარებლის მიერ პროდუქტ(ებ)ის ბინამდე ატანის მოთხოვნის შემთხვევაში.
იმ შემთხვევაში თუ პროდუქტ(ებ)ისმიტანის ადგილი არის ქ. თბილისის ფარგლებს გარეთ, პროდუქტ(ებ)ის გაგზავნა მოხდება ვოლტა-ს მიერ შერჩეული საფოსტო სამსახურის მეშვეობით მომხმარებლის მიერ პროდუქტ(ებ)ის შეძენიდან (შეკვეთის დამუშავებიდან) 5 სამუშაო დღის განმავლობაში, გარდა იმ შემთხვევებისა, თუ კონკრეტული ნივთის დამზადება ან/და მიწოდება მოითხოვს სპეციალურ ვადებს, რის თაობაზეც მომხმარებელს ეცნობება წინასწარ. საფოსტო მომსახურების ანაზღაურებას უზრუნველყოფს მომხმარებელი, რომლის ოდენობასა და პირობებს ვოლტა წინასწარ შეუთანხმებს მომხმარებელს. ამასთან, შეკვეთის ტრანსპორტირების ღირებულება დამოკიდებულია მომხმარებლის მიერ არჩეულ მიწოდების მისამართზე, პროდუქტ(ებ)ის წონასა და მოცულობაზე. ქ. თბილისის ფარგლებს გარეთ პროდუქტ(ებ)ის მიწოდების მინიმალური ღირებულება განისაზღვრება 10₾-ით. ვოლტა-ს პასუხისმგებლობა სრულდება პროდუქტის საფოსტო კომპანიისათვის გადაცემის დროს. პროდუქტის დაკარგვისა და დაზიანების რისკი სრულად გადადის საფოსტო მომსახურების გამწევ კომპანიაზე.
ვოლტა, საფოსტო მომსახურების გაწევის მიზნით, მომხმარებლის შესახებ მისთვის ცნობილ, პერსონალური ხასიათის კონფიდენციალურ ინფორმაციას, კერძოდ, მომხმარებლის სახელს, გვარს, მისამართსა და ტელეფონის ნომერს მიაწოდებს მის მიერ შერჩეულ საფოსტო სამსახურს, რაზეც მომხმარებელი წინამდებარე წესებისა და პირობების დადასტურებით აცხადებს თანხმობას.
კონფიდენციალური ინფორმაციის დამუშავებისა და შენახვის შესახებ პოლიტიკა მომხმარებელს შეუძლია იხილოს კონფიდენციალურობის პოლიტიკა.
შეკვეთა დასრულებულად ითვლება პროდუქტის მომხმარებლისთვის ჩაბარებისთანავე.
მომხმარებელი ვალდებულია, შეკვეთის მიღებისას მოახდინოს პროდუქტის შემოწმება, დარწმუნდეს, რომ იგი შეესაბამება შეკვეთას და ხელმოწერით დაადასტუროს, რომ პროდუქტს არ აქვს ვიზუალური ნაკლი.
იმ შემთხვევაში, თუ პროდუქტს აქვს ვიზუალური ნაკლი ან იგი არ შეესაბამება შეკვეთას (მათ შორის, ე.წ. არასრული შეკვეთა) მომხმარებელმა იგი არ უნდა ჩაიბაროს და დაუყონებლივ დაუკავშირდეს ვოლტა-ს პლატფორმაზე მითითებულ ნომერზე ან სოციალური ქსელის ონლაინ ჩატის საშუალებით.
ვოლტა ვალდებულია მოთხოვნის შემთხვევაში გადასცეს მომხმარებელს შეკვეთასთან დაკავშირებული ყველა საბუთი.
პროდუქტის დაზიანების რისკი მომხმარებელზე გადადის შეკვეთის ჩაბარების შემდეგ.
კომერციული გარანტია
ვოლტა-ში შეძენილი პროდუქტ(ებ)ის ნაწილზე ვრცელდება კომერციული (მწარმოებლის) გარანტია. საგარანტიო ტალონი მომხმარებელს გადაეცემა პროდუქტ(ებ)თან ერთად , რომელზეც მითითებულია იმ სერვის ცენტრების მისამართები და საკონტაქტო ნომრები , სადაც უნდა მოხდეს ტექნიკური ხარვეზის მქონე პროდუქტ(ებ)ის შეკეთება. საგარანტიო პირობების შესახებ დეტალური ინფორმაცია იხილეთ საგარანტიო პირობები.
კანონისმიერი გარანტია
კანონისმიერი გარანტიის პირობები ვრცელდება მხოლოდ იმ მომხმარებლებზე , რომლებიც არიან ფიზიკური პირები.
თუ პროდუქტი ნაკლის მქონე აღმოჩნდა, მომხმარებელს უფლება აქვს, ვოლტას მოსთხოვოს ნაკლის აღმოფხვრა (პროდუქტის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
პროდუქტის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, ვოლტას მოსთხოვოს პროდუქტის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, პროდუქტის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
პროდუქტი შეკეთებული ან შეცვლილი უნდა იქნეს გონივრულ ვადაში (შეცვლა - ნაკლის აღმოჩენიდან არაუგვიანეს 10 კალენდარული დღის ვადაში, ხოლო სტანდარტული შეკეთება - ნაკლის აღმოჩენიდან არაუგვიანეს 30 კალენდარული დღის ვადაში), ისე, რომ მომხმარებელს არ შეექმნას მნიშვნელოვანი შეფერხება პროდუქტის ბუნებისა და იმ მიზნის გათვალისწინებით, რომლისთვისაც მან ეს პროდუქტი შეიძინა.
პროდუქტის უსასყიდლოდ შეკეთება ან შეცვლა გულისხმობს ვოლტას მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა პროდუქტის ხელშეკრულებით გათვალისწინებულ პირობებთან შესაბამისობის უზრუნველსაყოფად.
მომხმარებელს უფლება აქვს, მოითხოვოს პროდუქტის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
- პროდუქტის შეკეთება ან შეცვლა შეუძლებელია;
- ვოლტამ პროდუქტი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
- ვოლტას მიერ პროდუქტის შეკეთება ან შეცვლა მომხმარებელს მნიშვნელოვან შეფერხებას შეუქმნის.
მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
მომხმარებელს არ აქვს უფლება, უარი თქვას ხელშეკრულებაზე, თუ პროდუქტის ნაკლი უმნიშვნელოა.
მომხმარებელს უფლება აქვს, ისარგებლოს ზემოხსენებული უფლებებით, თუ პროდუქტის ნაკლი პროდუქტის მისთვის გადაცემიდან 2 წლის განმავლობაში აღმოჩნდა.
თუ მომხმარებელმა პროდუქტის ნაკლი პროდუქტის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა პროდუქტის მიწოდებისას, თუ, პროდუქტის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი ვოლტას ეკისრება. თუ მომხმარებელმა პროდუქტის ნაკლი პროდუქტის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა პროდუქტის მიწოდებისას, მომხმარებელს ეკისრება.
პროდუქტის უპირობოდ დაბრუნების პოლიტიკა
მომხმარებელს უფლება აქვს უარი თქვას ვოლტა-სთან დადებულ ხელშეკრულებაზე მომხმარებლისათვის (ან მის მიერ განსაზღვრული მესამე პირისათვის) პროდუქტის მფლობელობაში გადაცემიდან 14 კალენდარული დღის განმავლობაში. ასეთ შემთხვევაში პროდუქტის დაბრუნებასთან დაკავშირებულ ხარჯებს სრულად ფარავს მომხმარებელი. ვოლტას უფლება აქვს უარი თქვას პროდუქტის დაბრუნებაზე, თუ მას აღენიშნება დაზიანების/მოხმარების ნიშნები ან დაზიანებულია შეფუთვა.
პროდუქტის უპირობოდ დაბრუნების მოთხოვნის სარგებლობისთვის მომხმარებელი ვალდებულია მიმართოს ვოლტას შემდეგ ელ-ფოსტაზე info\@volta.ge.
ხელშეკრულებაზე უარის თქმის შემთხვევაში მომხმარებელი ვალდებულია:
- ვოლტას ან მის მიერ განსაზღვრულ მესამე პირს დაუბრუნოს პროდუქტი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა.
- გასწიოს პროდუქტის დაბრუნებასთან დაკავშირებული პირდაპირი (უშუალო) ხარჯი.
იმ შემთხვევაში, თუ პროდუქტის მახასიათებლები არ შეესაბამება პორტალზე მითითებულ მონაცემებს, პროდუქტს გააჩნია თავდაპირველი ნაკლი ან პროდუქტი დაზიანებულია ტრანსპორტირების შედეგად, პროდუქტის უკან დაბრუნებას უზრუნველყოფს ვოლტა თავისი რესურსით.
მომხმარებელი ვალდებულია სრულად დააბრუნოს პროდუქტი ყველა თანდართულ დოკუმენტთან ერთად.
ვოლტა ვალდებულია პროდუქტის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. ვოლტას უფლება აქვს, უარი თქვას თანხის დაბრუნებაზე მანამ, სანამ პროდუქტს არ დაიბრუნებს ან მომხმარებლისგან არ მიიღებს პროდუქტის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება.
თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.
მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.
ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ.
პასუხისმგებლობის შეზღუდვა
ვოლტა შესაძლებლობების ფარგლებში მაქსიმალურად უზრუნველყოფს თავდაცვის შესაბამისი მექანიზმების შემუშავებას, თუმცა არ არის პასუხისმგებელი პლატფორმაზე დაცული მონაცემების არასანქცირებულ წვდომაზე, მესამე პირების მიერ მიყენებულ ზიანზე, მათ მიერ მომხმარებლისათვის შეთავაზებულ მომსახურებაზე.
მომხმარებელი ვოლტა-ს სერვისებით სარგებლობით ადასტურებს, რომ არის ქმედუნარიანი 18 წელს მიღწეული პირი და პლატფორმით სარგებლობს საკუთარი თავისუფალი ნებითა და რისკით.
ვოლტა პასუხისმგებელი არ არის, რომ პლატფორმა ან მომსახურება მომხმარებლისათვის იქნება მუდმივად ხელმისაწვდომი და არ იძლევა გარანტიას , რომ პლატფორმას არ ექნება პროგრამული ხარვეზები, ვირუსებიან/და სხვა ნებისმიერი შეცდომა.
შეზღუდვები ვებგვერდის გამოყენებისას
პლატფორმაზე არსებული ინფორმაცია შეიძლება შეიცვალოს ან მოიხსნას წინასწარი შეტყობინების გარეშე. ვოლტა მომხმარებელს არ გაუწევს იმ სახის მომსახურებას, რომელიც მიაჩნია, რომ ეწინააღმდეგება მოქმედ კანონმდებლობას.
მომხმარებელს ეკრძალება პლატფორმის არაკანონიერი მიზნებისთვის გამოყენება , მათშორის, ვოლტა-ს სისტემებში არასანქცირებული შეღწევა, პლატფორმაზე არსებული ინფორმაციის არასათანადოდ გამოყენება ან სხვაგვარიქმედება, რომელმაც შეიძლება პირდაპირი ან ირიბი ზიანი მიაყენოს ვოლტა-ს კანონით დაცულ ინტერესებს.
მარკეტინგი
პლატფორმაზე რეგისტრაციის დროს ან/და სხვა ფორმით წინამდებარე „წესებისა და პირობების“ დადასტურების გზით მომხმარებელი ეთანხმება სარეკლამო, წამახალისებელი მასალების, მომხმარებლისათვის საინტერესო მომსახურების, პროდუქტისა და სერვისების გამოწერას. თანხმობის შემთხვევაში მომხმარებელი ელექტრონული ფოსტის მეშვეობით მიიღებს პლატფორმის სიახლეებს, სხვა და სხვა შეთავაზებასა და ინფორმაციას.
მომხმარებელს შეუძლია ნებისმიერ დროს ვოლტა-ს ელექტრონულ ფოსტაზე გაგზავნილი შეტყობინებით ან სმს შეტყობინების პასუხის დაბრუნების გზით (SMS OFF) განაცხადოს უარი მარკეტინგული აქტივობების შესახებ ინფორმაციის მიღებაზე.
ინტელექტუალური საკუთრების უფლება
მომხმარებელმა არ უნდა განახორციელოს ისეთი ქმედება, რაც ხელყოფს პლატფორმის ან ნებისმიერი მესამე მხარის მფლობელობაში არსებული ინტელექტუალური საკუთრების უფლებებს. პლატფორმის კონტენტის ნებისმიერი რეპროდუქცია, განცხადება, გავრცელება ან ხელახლა გავრცელება, სრულად ან ნაწილობრივ, ნებისმიერი საშუალებით, გაყიდვა, გადაყიდვა, განმეორებითი გადაცემა ან მესამე მხარეებისთვის არ არის დაშვებული.
მოქმედების ვადა და შეწყვეტა
წინამდებარე წესები და პირობები ძალაში შედის მომხმარებლის მიერშესაბამის ღილაკზე თითის დაჭერის გზით თანხმობის გამოცხადების შემდეგ და მოქმედებს მომხმარებლის მიერ პირადი ანგარიშის გაუქმებამდე, ხოლო ანგარიშის არარსებობის შემთხვევაში , შესაბამისი მოთხოვნის გამოგზავნამდე info\@volta.ge-ზე.
წინამდებარე წესების და პირობების მოქმედება შესაძლებელია შეწყდეს, აგრეთვე, საქართველოს კანონმდებლობით ან/და წინამდებარე წესით გათვალისწინებულ შემთხვევებში. ამასთან, მიუხედავად ვოლტასა და მომხმარებელს შორის გაფორმებული ხელშეკრულების მოქმედების შეწყვეტისა ან/და პლატფორმაზე მომხმარებლის ანგარიშის გაუქმებისა, წესების და პირობების მოქმედება გაგრძელდება მხარეთა მიერ ნაკისრი ვალდებულებების (ასეთის არსებობის შემთხვევაში) შესრულებამდე.
მარეგულირებელი კანონმდებლობა და დავების გადაწყვეტის წესი
წინამდებარე წესები და პირობები რეგულირდება და განიმარტება საქართველოს მოქმედი კანონმდებლობის შესაბამისად მხარეები თანხმდებიან რომ დავის შემთხვევაში, შეეცდებიან მოლაპარაკებით გადაწყდეს წარმოშობილი უთანხმოება. მოლაპარაკებების წარმატებით დასრულების შეუძლებლობის შემთხვევაში, მხარეები უფლებამოსილნი არიან მიმართონ თბილისის საქალაქო სასამართლოს.
წინამდებარე წესებისა და პირობების რომელიმე ნაწილის ბათილად ცნობა არ გამოიწვევს სხვა ნაწილის ბათილად ცნობას.
ცვლილებები და დამატებები
ვოლტა იტოვებს უფლებას, წინამდებარე დოკუმენტში ნებისმიერ დროს, ცალმხრივად, პორტალზე გამოქვეყნების გზით, შეიტანოს ცვლილებები ან/და დამატებები მომხმარებლის შემდგომი დამატებითი თანხმობის გარეშე. ცვლილებების /დამატებების განხორციელების შემდეგ, ვოლტა მომხმარებლის მიერ პორტალით სარგებლობის გაგრძელებას მიიჩნევს მომხმარებლის თანხმობად.
ფორს–მაჟორი
არც ერთი მხარე არ აგებს პასუხს ნაკისრი ვალდებულების მთლიანად ან ნაწილობრივ შეუსრულებლობისთვის, თუ შეუსრულებლობა გამოწვეულია სტიქიური და ტექნოლოგიური კატასტროფებით, ხანძრით, საომარი მოქმედებით, სამთავრობო გადაწყვეტილებებით და ეს მოვლენები დაიწყო ან განვითარდა შეკვეთის შეძენის შემდეგ.
თუ ჩამოთვლილი გარემოებებიდან უშუალოდ რომელიმე მოქმედებს მხარის მიერ ნაკისრი ვალდებულებების წინამდებარე სამომხმარებლო წესებისა და პირობებით განსაზღვრული შესრულების ვადაზე, ეს ვადა გაგრძელდება დაუძლეველი ძალის გარემოების მოქმედების ხანგრძლივობის შესაბამისად.
მხარე, რომელსაც წამოეჭრა დაუძლეველი ძალის გარემოება, ვალდებულია ასეთი გარემოების, მისი შესაძლო ხანგრძლივობისა და შეწყვეტის შესახებ შეატყობინოს მეორე მხარეს.
შეტყობინებაში ასახული ფაქტები დადასტურებული უნდა იყოს შესაბამისი რეგიონის: სავაჭრო, სამრეწველო, ან სხვა კომპეტენტური ორგანოს მიერ.
არშეტყობინება ან დაგვიანებით შეტყობინება უფლებას ართმევს მხარეს, გამოიყენოს ზემოთ მოყვანილი დაუძლეველი ძალის მოვლენები პასუხისმგებლობისგან განთავისუფლების საფუძვლად.